1. Ich bin als eschter Pälzer Bu am Woistock großgezo drum bin ich jetzt a immerzu So luschdich un a froh Mit pälzer Woi un mit Humor do kummt äm alles leichter vor beim erschte Glas mit Garantie blieht do moi Fantasie Ich denk mer als, wann ich do sitz un trink moi Schöppel leer: „Wann in dem große Himmel bloß ä Kläni Wertschaft wär“ 2. Wann ich mol äner drinke geh, do schelt moi Aldi glei un wann ich nachts im Hausgang steh, do ruft se „kumm bloß roi“ Un wann se dann so tobt un zankt un mänt, die Hälft het a gelangt, dann sag ich, weil se´s heere mecht: „Wäscht Aldi, du hoscht recht“ Ich breicht ab heit kää Dröppel mäh un deht mer gar net schwer „Wann in dem große Himmel bloß ä Kläni Wertschaft wär“ 3. Ach Gott, was sin die Leit so bang, wann´s mol ans sterwe geht, do ziddert mer schun wochelang un bitt un bet un flehtun weil mer wäß, s´isnochher aus drum will mer aus de Welt net raus, un a den gude Pälzer Woi den loßt mer net gern soi. Des is halt ganz verkehrt gemacht, es Sterwe wär net schwer „Wann in dem große Himmel bloß ä kläni Wertschaft wär“ 4. Un kumm ich werklich mol do nuff un steh am Himmelsrand do ruf ich:“Petrus mach mer uff ich kumm vum Pälzer Land!“ Mein beschte Freund, ich sach der´s glei des war mein gude Pälzer Woi die Welt do unne is ganz doll ich hab die Nas jetzt voll. Ich weer schun frieher zu der kumm des sag ich der uff Ehr: „Wann in dem große Himmel bloß ä Kläni Wertschaft wär
|
Musikverein Iggelheim 1984 e.V. |