Pälzer Nas

1. Nase gibt es viele Arte,  grade, krumme, grobe zarte,
schiefe Gurke, lange Rüssel, Schnorchel wie en Hausderschlüssel.
Jedes Land und jeder  Ort, hot soi ganz besondri Sort.
Doch e ächti Pälzer Nas, die basst genau ins Schobbeglas
Die Farb die spielt e große Roll, des is des, was mer wisse soll!

Refrain:
|:Bei der Pälzer Nas do wäs mer nie genau,
ob se rod ist oder lila oder blau,
doch des eene wäs mer awwer ganz gewiss,
dass es net vom wasserdrinke kumme is! :|
 
2. Durch de Woi, `s is net zu glawe, glänzt moi Nas´ in alle Farwe.
Wie e  Rücklicht strahlt mein Zinke, alles blos vum Schobbedrinke.
Neben dra sprießt do debei noch e Warz als Gugsei.
Viele Johre unverdross´    haw ich se mit Woi begoss´.
E Pälzer Nas die koscht viel Geld. Mer kennt se auf de ganze Welt.
 
3. Alle Pälzer, Arme, Reiche, hawen ä Erkennungszeiche:
weil se fleissig sin beim Trinke kennt mer se sofort am Zinke.
Denn der Woi entwickelt Gas, geht in de Kopp unn durch die Nas
unn die Blum vum Rewesaft, die sprießt im Zinke voller Kraft.
Unn wann se rod und blau dann strahlt, die Hauptsach ist, sie is bezahlt.