1. Mei Vadder hot g´sat un mei Mudder hot g´sat: Liewer Bu, geb mer acht mit dem Woi! Der Woi geht ins Blut un des is net so gut ja, des kann sogar ganz g´fährlich sei! Doch heit, liewe Leit, wäß ich längscht schu Bescheid, daß der Woi jo käm Deiwel was macht. Ehr Kinner drum män ich, heit simmer uns äänich, mer drinke, des wär doch gelacht: Refrain: Ja so en gude Palz-Woi, der geht ähm in der Hals noi, der der laaft äm dorch die dorschdich Kehl, do werd mer froh un kreiz-fidel ! ja so en gude Palz-Wo, der geht ähm in der Hals nei, der laaft ähm dorch die roschdich Kehl un baufdich do is mer fidel. 2. Jetzt heer mol, mei Freind, wann die Sunn mol net scheint, dann hau ab, nix wie naus aus em Haus. No´m erschde Glas Woi, sin dei Sorge vorbei Un die Welt sieht glei ganz annerscht aus! Die Palz ist famos, un die Woistroß is groß! Un mer schunkelt in jedem Lokal. Und siehscht statt der Woistroß am Schluß ach noch Woi bloß: Des is bei deim Dorscht worschtegal. 3. Un geht vun de Haardt owend´s häämwärts die Fahrt, hoscht an Leib un an Seel die Profit, un duht der die Fraa ach nix Schänes grad saad, ja do nemmscht se halt ´s negschdemol mit! Mer Pälzer sin frei un hen Keller vull Woi, ja bei uns hot noch jeder was krieht. Drum kum in die Rhei-Palz und drink vu dem Woi als, soi friedlich un sing unser Lied: