1. Ich bin en echte Pälzerbu, de stärktst vun unsre Gass, hei, wer die Pälzer Buwe kennt, das is e edli Rass´: kä Schlippche un kä Krage, nä, des is uns viel zu dumm, mer fliechen jo de ganze Daach im Chausseegrawe rum. |: Horch do mal hie! Des klingt ganz pälzerisch, holahiaho! Voller Witz und voller Schneid, so babbeln do die Leit. Vor so ´re Ausdrucksweis hot jedermann Reschpekt. Des is un bleibt e unverfälschter Pälzer Dialekt. :| 2. Un wann zwä Pälzer Hänel hän, des is e wahre Frääd, en Fremder, wu voriwwere geht, vergeßt´s sei Lebdag net. Die Werter, wu do fliechen riwwer un niwwer iwwer de Disch, die stehn noch in käm Lexikon, die sinn jo noch ganz frisch. 3. Ei, du Bangert, ei, du scheeler, ei, du Rindvieh, du Kamel, ei, was bischde dann fer äner, ei, was gugschte dann so scheel? Du hoscht jo in deim Lewe noch kä Kannelwasser g´soff, wann ich dich am Schlawitsche nemm, dann saufschte´s awwer doch! 4. Zwä Buwe spielen Gliggerles und kriehn minanner Krach. Ei, Bangert, geb mei Gligger her, schunscht schlach ich dir ufs Dach. Geh her, du, mit deim Krusselkopp, schunscht fang ich dar die Leis! Wann ich der uff de Zinder klopp, dann drehschte dich im Kreis!